Cavid Şahverdiyev: «Heç bir dövlətin Azərbaycanı qınamağa haqqı yoxdur»

Cavid Şahverdiyev

- Azərbaycanın İsraildən silah almasına münasibətiniz?
- Düzdür Azərbaycanla İsrail arasında reallaşacaq yeni hərbi layihə əks-sədaya səbəb olub. Həm Azərbaycanda, həm də İranda. İsrail mətbuatının məlumatına görə, rəsmi Tel-Əviv Azərbaycana 1,6 milyard dollar dəyərində silah satmağı planlaşdırır. İmzalanması nəzərdə tutulan müqavilə çərçivəsində İsrail Azərbaycana pilotsuz təyyarələr, hava və raket hücumundan müdafiə sistemləri satmağı nəzərdə tutur. İsrail mətbuatının yazdığına görə, müqavilə satılmış silah sistemlərinə texniki xidmət göstərilməsini, eləcə də bəzi sistemlərin Azərbaycanda istehsalının başlaması ilə bağlı texnologiyaların tətbiqini nəzərdə tutur. Müqavilə çərçivəsində Azərbaycan regionda “Heron” tirli silahlı rilotsuz təyyarələri alan ilk ölkə olacaq. O da danılmaz faktdır ki, Azərbaycanla İsrail arasında hərbi-texniki sahədə əməkdaşlıq son illərdə daha da intensivləşib. 
- Fikrinizcə, bəəs bu məsələyə İranın münasibəti necə ola bilər?
- Bu silahların İrana qarşı yönəlməsinə dair yazılanlar həqiqətə uyğun deyil. Azərbaycana satılan silahların hamısı İsraildə var. Bunlardan Azərbaycan yararlanmalıdır. Düşünmürəm ki, Azərbaycan bu gün bu silahları İrana qarşı istifadə etmək üçün əldə etsin. Azərbaycan bu silahları İsraildən özümüz üçün, öz müdafiəmiz üçün alır. Əgər İranın Azərbaycana qarşı pis niyyəti yoxdursa, o silahların əldə olunmasından təhlükə görməməlidir. İran bundan əndişələnməməlidir. Azərbaycan həmişə İrana qarşı şəffaf siyasət nümayiş etdtirib. Rəsmi Bakı bəyan edib ki, heç bir dövlət onun ərazisindən İrana zərbə vura bilməz, buna imkan yaradılmayacaq. Lakin İran Azərbaycana qarşı qərəzli mövqedən çıxış edir. İran İsrailin Azərbaycanla yaxınlaşmasını istəmir və bu məsələdə həmişə rəsmi Bakını hədəfə alıb. Lakin İran işğalçı Ermənistana hərbi, iqtisadi yardım etməsini diqqətə almır. Heç olmasa İran bu barədə fikirləşsin. Axı niyə görə Azərbaycanın xaricdən aldığı silahların başqa dövlətə yşnəldiyi düşünülür. Niyə də belə olmalıdır. Azərbaycan özü müharibə vəziyyətindədir. İşğal edilən torpaqlarımıza azad etmək üçün ordumuz güclənməlidir. Azərbaycan təkcə İsraildən yox, Rusiya, Ukrayna, Türkiyə və digər dövlətlərdən də silah alıb. Bu cinayət deyil. Azərbaycanın hazırki durumunu nəzərə alsaq, yəni müharibə şəratində olan ölkəmiz üçün bu əlverişlidir. İndiyə qədər də Azərbaycan bu silahlardan istifadə edib. İsraildən alınan təyyarələr kəşfiyyat tipli olmaqla yanaşı, dəqiq zərbələri vurmaq qabiliyyətinə malikdir. Bu pilotsuz təyyarələr Azərbaycan üçün əlverişlidir. 
- Bəs niyə görə həmişə İsrail-Azərbaycan münasibətlərində İran faktoru önə çəkilir?
- Bu İran və Azərbaycanda olan destruktiv qüvvələrin süni şəkildə ortaya atdığı bir oyundur. İran-İsrail münasibətlərinin hətta müharibə vəziyyətinə qədər gəlib çıxması faktdır. Amma bu o demək deyil ki, İranın düşməni olan İsraillə Azərbaycan əlaqələrini kəsməlidir. Türkiyə diasporu kimi İsrail diasporu da Azərbaycan həqiqətlərini dünya ictimaiyyətinə çatdırmaqda bizə yardımçı olub. Biz İrana Ermənistanla əlaqələrinə ona görə irad tuturuq ki, bu ölkə işğalçıdır, on minlərlə müsəlmanın qanını axıdıb. İslam dövləti olan İran bu işğalçıya dəstək durmamalıdır. Fikir verin, yəhudilər azərbaycanlıların müdafiəsinə qalxırlar. Amma dini, adət-ənənələri bir olan, 30 milyon soydaşımızın yaşadığı bir dövlət erməniləri bizdən üstün tutur. Azərbaycan xarici siyasətini beynəlxalq hüquq normalarına uyğunlaşdırıb. Amma İran kimi qonşularımız yox. Ona görə də Azərbaycan-İsrail münasibətlərindən İranın əndişələnməsinə heç bir səbəb yoxdur. Azərbaycan öz siyasətini yürüdür və antiİran koalisiyasına qoşulmayıb. Nə vaxtı qoşulsaydı onda rəsmi Tehran narahat ola bilərdi. Heç bir dövlətin bu kimi məsələlərə görə Azərbaycanı qınamağa haqqı yoxdur. Erməninstanın da İsraillə münasibətləri normaldır. Amma heş eşitmisiniz ki, İran bu məsələ ilə bağlı Ermənistana narazılığını bildirib? İrandan fərqli olaraq İsrail Azərbaycan torpaqlarının bir hissəsinin işğalı problemi barəsində ikiüzlü siyasət aparmır və bu Bakının Tehrana və Təl-Əvivə qarşı münasibətini müəyyən edir. İsrail rəhbərliyi hər zaman Azərbaycanın ərazi bütövlüyünə və müstəqilliyə hörmətlə yanaşıb, bütün sənədlərdə bunu vurğulayıb. Yəni bu dəstək yalnız sözdə deyildi. Ancaq İran barəsində biz əksini görürük: Tehranda sözdə Azərbaycanın ərazi bütövlüyünü dəstəklədikləri barədə bildirirlər, ancaq həqiqətdə, təəssüf ki, bu istiqamətdə konkret addımlar atılmır. Təsadüfi deyil ki, Ermənistan, həmçinin onun Azərbaycana qarşı təcavüzkar siyasəti barəsində, milli təhlükəsizliyin konsepsiyasında İranı konkret olaraq təhlükəsizliyinin təminatının alternativ mənbəyi kimi elan edib. Bunu unutmaq lazım deyil. Azərbaycan dövləti Ermənistana quru yolla hər şey İran vasitəsilə keçirildiyinə, İran Ermənistanda strateji əhəmiyyətli obyektlər tikməsinə, bu ölkəyə neft, qaz verməsinə normal sivil münasibət sərgiləyib. Əgər İran Azərbaycanın gözlədiyi məqamlara riayət etsəydi, bu, Dağlıq Qarabağ probleminin həlli üçün mühüm amil olardı. Əksinə qonşu dövlət problemin tezliklə həllində maraqlı olmadığını göstərir. Güzəştlər də qarşılıqlı şəkildə olmalıdır. Bundan başqa Azərbaycanda fəaliyytə göstərən dini təşkilatların saytlarında İsrail işğalçı dövlət kimi göstərilir, Fələstində törədilənlərin başlıca günahkarı olduğu deyilir. Ermənistan kimi. Amma Ermənistana regionda həm siyasi, həm də iqtisadi dəstək verən İran yada düşmür. Çünki maliyyə İrandan gəlir. Yenə deyirəm hansı dövlətlə əlaqələr qurmaq Azərbaycanın öz hüququdu. Azərbaycan başqa ölkələrlə əlaqələrini öz maraqları müstəvisində inkişaf etdirir. Bu gün İsraillə əlaqələrin dərinləşdirilməsi bizim maraqlarımıza cavab verir. Prezident İlham Əliyev dəfələrlə bəyan edib ki, Azərbaycanın başqa ölkələrlə əlaqələri üçüncü dövlətlərin, o cümlədən İranın əleyhinə yönəlməyib.
Cavid Şahverdiyev
Azərbaycan Demokratik İslahatların İnkişafı Mərkəzinin sədri 
http://www.kafkassam-merkez.com/index.php?act=content&id=4641&id_cat=9

ADİİM Türkiyə QHT-si ilə əməkdaşlıq edəcək

Azərbaycan Demokratik İslahatların İnkişafı Mərkəzi (ADİİM) Qafqaz Strateji Araşdırmalar Mərkəzi (Türkiyə) (Kafkassam) ilə birgə əməkdaşlıq barədə razılaşma əldə edib.
ADİİM-in mətbuat xidmətindən oxucu.info-ya verilən məlumata görə, razılaşmaya əsasən hər iki QHT Qafqazda baş verən ictimai-siyasi vəziyyətin birgə monitorinqini aparacaq, bölgədə münaqişələrin təhlili və müzakirəsi ilə bağlı Türkiyədə və Azərbaycanda dəyirmi masalar təşkil edəcək, informasiya mübadiləsi aparacaqlar.
ADİİM sədri Cavid Şahverdiyevin hər həftə Azərbaycanın xarici siyasət kursunun təhlili Qafqaz Strateji Araşdırmalar Mərkəzinin saytında yerləşdiriləcək. Eləcə də Kafkassam-ın rəhbəri Hasan Oktay ADİİM-in saytında Qafqazda baş verənlərlə bağlı öz fikirlərini bölüşəcək.

ADİİM sədri QSAM-a müsahibə verib

Cavid Şahverdiyev

- Öncə mərkəziniz haqqında danışın
- Azərbaycan Demokratik İslahatların İnkişafı Mərkəzi 2001-ci ildə yaradılsa da, 2007-ci ildə Ədliyyə Nazirliyindən qeydiyyatdan keçib. Mərkəzin yaradılmasında əsas məqsəd Azərbaycanda demokratik islahatların inkişafına dəstək və bu sahədə hakimiyyətin gördüyü işlərin monitorinqini aparmaq, cəmiyyətdəki demokratiyanın, fikir rlüralizmin dərinləşməsinə, islahat təşəbbüslərini müdafiə etməkdir. Mərkəzin 1225 üzvü var. Mərkəzimizə sədr rəhbərlik edir. Onun müavini, İdarə Heyəti, Nəzarət-Təftiş komissiyası da fəaliyyət göstərir. Ölkənin hər bir regionunda mərkəzimizin yerli ofislərini açmaq fikrindəyik. Artfq bu istiqamətdə işlərimiz yekunlaşmaq üzrədir.
- Kuruluşunuzun çalışmaları hakkında bilgi verirmisiniz.
- Mərkəzimiz yarandığı və qeydiyyatdan keçdiyi gündən yalnız obeyktiv fəaliyyət göstərib. Apardığı monitorinqlər və sorğularda yalnız obyektivlik qorunub saxlanılıb. Həm 2003-cü il, 2008-ci il prezident seçkiləri öncəsi, həm də 2005-ci il, 2010-cu il parlament seçkiləri öncəsi regionlarda aparılan sorğular tam təfərrüatı ilə ictimaiyyətə açıqlanıb. İki dəfə – 2010-cu və 2011-ci illərdə Azərbaycan Prezidenti yanında QHT-lərə Dövlət Dəstəyi Şurasının elan etdiyi müsabiqələrdə qalib olmuşuq. Bir neçə yerli QHT-lərlə də sıx əməkdaşlıq edirik. QHT-lər tərəfindən yaradılan heç bir alyansın üzvü deyilik. Müstəqil fəaliyyət göstəririk.
- Bəs xarici əlaqələriniz barəsində nə deyə bilərsiniz?
- Ukrayna, Belorusiya, Qazaxıstan və Rusiyanın bir neçə QHT-i ilə əlaqələrimiz mövcuddur. Bizimlə əməkdaşlıq etmək üçün Ermənistandan da belə bir dəvət olunub. Amma biz onların dəvətlərini Dağlıq Qarabağ münaqişəsi həll olunmayanadək, torpaqlarımızı işğal etməyənədək qəbul etməyəcəyimizi bildirmişik. Cənubi Osetiya və Abxaziya kimi tanınmamış respublikalardan da bizə dəvətlər olunub. Amma onlar da tanınmamış respublikalar olduğundan bu dəvətləri dəyərləndirməmişik. Hətta bizə Qafqaz QHT-ləri Alyansının yaradılması da təklif olunub...
- Mərkəziniz beynəlxalq tədbirlərə qatılıbmı?
- Belə dəvətlər çox alırıq. Amma çox vaxt maliyyə problemi üzündən bunların hamısını reallaşdıra bilmirik. Amma MDB Dövlətləri İnstitutu tərfindən edilən iki dəvətdən birini qəbul etdik. Birinci dəvət bizə 2010-cu il mayın 24-25-də olunmuşdu. İnstitut Ermənistanda Cənubi Qafqazdakı problemlərin həllinin müzakirəsini təşkil etmişdi. Amma Ermənistanda keçirildiyi üçün bu dəvəti qəbul etmədik. Düzdür, ilkin razılıq vermişdik. Hətta bu barədə Ermənistan rəhbərliyinə də məlumat verilmişdi. Onlar da bizim təhlükəsizliyimizin təminatına söz vermişdilər. Lakin erməni mətbuatının Azərbaycana və azərbaycalılara qarşı qərəzli mövqedə olduqlarını nəzərə alıb, ora getməkdən imtina etdim. Bilirdim ki, orada deyəcəklərimiz ictimaiyyətə başqa formada çatdırılacaqdı. İkinci bir tədbir isə həmin institutun 15 illik yubileyi ilə bağlı bu ilin mayın 23-25-də keçirildi, özü də Moskvada. Amma onu da deyim ki, həmin institutun rəhbəri Dumanın deputatı Konstantin Zatulin Dağlıq Qarabağa səfər etdiyinə və ermənilərin dostu olduğuna görə Azərbaycanda «arzu olunmayan» şəxsə çevrilib. "Azərbaycanlılar ermənilərlə üz-üzə gələ bilməkdən çəkinirlər" və yaxud da "hansısa müzakirələrdən qaçırlar" düşünməsinlər deyə, bu dəfə Moskvaya getmək qərarını verdik. Amma elə tədbirin ilk günündə Zatulinin "Dağlıq Qarabağ Resrublikası" ifadəsini işlədib oranın "xarici işlər naziri" deyib, Atacanyan Abqaroviçə söz verməsi bizim hiddətimizə səbəb oldu. Abqaroviç seraratçı reyimin rəhbəri Bako Saakyanın və "XİN"in təbrik məktubunu oxudu. Məktubda "Dağlıq Qarabağın müstəqilliyinin tanınması üçün əlindən gələn böyük köməkliyə görə, "Zatulinə minnətdarlıq ifadə olunurdu. Zatulun hər iki məktubu böyük sevinclə qəbul etdi. Biz isə öz etirazımızı həm şifahi, həm də yazılı surətdə Zatulinə verib tədbiri tərk etdik. Etiraz məktubunda Zatulinin nəzərinə çatdırdıq ki, dünyanın heç bir dövləti, o cümlədən Ermənistan Dağlıq Qarabağın müstəqilliyini tanımadığı halda belə beynəlxalq tədbirlərdə onu "DQR" kimi ictimaiyyətə çatdırmağın özü münaqişənin sülh yolu ilə həllini çətinləşdirməyə xidmət edir. Tədbirdə iştirak edən yerli yurnalistlərlə isə əlaqələr yarada bilmədik. Çünki onların tədbirdən çıxmasına icazə verilməmişdi. Bizim isə tədbirin keçirildiyi "Prezident otel"in qarşısında gözləməyə vaxtımız yox idi. Çünki bu xəbəri Azərbaycana da ötürmək lazım idi. Tədbiri tərk edib üz tutduğumuz ilk ünvan Azərbaycanın Rusiyadakı səfirliyi oldu. Səfirliyin rəsmisi Fəridə Ağazadəni bu barədə məlumatlandırdıqdan sonra internet vasitəsilə məlumatı Azərbaycan mediasına ötürdük. Axşam saatlarında yenidən internetə girib Rusiya saytlarından bu barədə məlumat əldə etdik. Şahidi olduq ki, "Novosti Armenia" (www.newsarmenia.ru) agentliyi bu tədbirlə bağlı 26.05.2011 saat 16:39-da verdiyi xəbərdə Dağlıq Qarabağı tanınmamış resrublika kimi təqdim edib. Görünür, bizim etirazımız öz nəticəsini vermişdi. İnstitutun öz saytından tutmuş digər saytlarda isə, ümumuyyətlə, bu məsələyə toxunulmadı.
- Azerbaycanda demokratik reformların gelişimi beklentilere cevar verebiliyor mu
- Azərbaycanın bütün sahələrində islahatlar aparılmaqdadır. Bu islahatların nəticəsində Azərbaycan nəinki Cənubi Qafqazda, həmçinin dünyada böyük nüfuz sahiblərinin birinə çevrilib. Düzdür, bu sahədə də prorblemlərimiz mövcuddur. Amma müharibə şəraitində yaşayan Azərbaycanın belə problemləri tezliklə həll edəcəyinə inanmaq çətin olsa da bu işin öhdəsindən layiqincə gəlir. Baxın, 2011-ci ilin əvvəlində prezident tərəfindən anti-korrursiya kamraniyasına başlanıldı, konstitusiya, hüquqi sahədə, iqtisadiyyatda, ordu quruculuğunda və digər sahələrdə islahatlar aparıldı. Azərbaycan Avrora Qonşuluq Siyasətinin (AQS) Fəaliyyət Planının icrası üzrə, xüsusən, makro-iqtisadi sabitlik və yoxsulluğa qarşı mübarizə ilə əlaqədar sahələrdə müəyyən irəliləyişlərin əldə edildiyi vurğulanıb. Ölkəyə ağır təsirsiz ötüşən qlobal maliyyə böhranına baxmayaraq, Azərbaycan ili normal başa vurub. Mütəşəkkil cinayətkarlığa, terrorizmə, mülki dövriyyədən çıxarılmış əşyalarla qanunsuz ticarətə və insan alverinə qarşı mübarizə, həmçinin gender bərabərliyi sahələrində tərəqqi baş verib. Beynəlxalq eksrertlər də bildirirlər ki, iqtisadi uğurları ilə seçilən Azərbaycan siyasi və demokratik islahatların davamlı inkişafı ilə nümunədir. Ölkəmizdə ən mütərəqqi prinsirlərə, beynəlxalq təcrübəyə, demokratiyanın tələblərinə əsaslanan institutlar yaranıb. Demokratik cəmiyyətin varlığını təsdiqləyən bütün amillərin ölkəmizdə bərqərar olunması istiqamətində mühüm addımlar atılır. Demokratikləşmə prosesinin möhkəmlənməsi ölkəmizin hərtərəfli inkişafını daha da sürətləndirir.
- Üç güney kafkasya ülkesi ile mukayese edildiğinde azerbaycanda demokratik reformları nasıl değerlendiriyorsunuz.
- Azərbaycanın Cənubi Qafqazda lider olduğunu təkcə biz yox, beynəlxalq ictimaiyyət və Bakıya gələn xarici dövlətlərin rəhbərləri, beynəlxalq təşkilatların rəsmiləri də deyirlər. Beynəlxaq mətbuat da Azərbaycada aparılan islahatların bölgənin lider dövlətinə çevrilməsindən yazır. Onlar ölkəmizin regionda əhəmiyyətli rol oynadığını və gələcəkdə bu rolun daha da artacağını bildirirlər. Azərbaycanın güclü iqtisadiyyata malik olduğunu vurğulayan rəsmilər ölkəmizdə demokratik islahatların da güclü şəkildə həyata keçirildiyini və bunun həmişə aktual bir məsələ olduğunu deyirlər. Qonşu Ermənistana gəldikdə isə o heç vax Azərbaycanla müqayisəyə gələ bilməz. Bu gün Ermənistanda əhali qalmayıb. Ölkə əhalisinin 4 milyonundan 2 milyonu bir parça çörək üçün xaricə qaçıb. Ermənistanın iqtisadiyyatını Rusiya satın alıb. Ermənistan yalnız xaricdəki diaspor təşkilatlarının və bir də İranın köməyi ilə ayaqüstə durub. Bu ölkə xarici borc içində batır. Heç bir zavod və fabrik işləmir, istehsal yoxdur və s. Belə olan haldı ölkədə hansı islahatların aparılmasından söhbət gedə bilər? Gürcüstana gəldikdə isə 2008-ci il avqust müharibəsindən sonra bu ölkə yeni problemlərlə üzləşib. Azərbaycan həmişə Gürcüstana enerji məsələsində yardımçı olub. Bu ölkədə də demokratik islahatlar aparılıb, amma Azərbaycanda olduğu kimi müsbət nəticələr verməyib.
- Azerbaycan dışrolitikası demokratik reformları nasıl etkiliyor.
- Təbii, Azərbaycanda aparılan islahatlar onun xarici siyasətinə müsbət təsir göstərməkdədir. Düzdür, Azərbaycana qarşı ikili standartlardan çıxış edən ABŞ Dövlət Departamenti, Beynəlxalq Böhran Qrupu heç vaxt bu islahatları müsbət dəyərləndirməyib. Həmişə onlar müxtəlif formalarda Azərbaycanın uğurlarını aşağılamağa cəhd gösəriblər. Amma bu rəsmi Bakının xarici siyasətinə heç bir mənfi təsir göstərmir. Məsələn, rəsmi Bakının müəllifi olduğu bir sıra irimiqyaslı layihələrin bütün Avropa üçün dəyərli olduğu məlumdur. Amma qonşu Rusiya və İran, Avropanın bəzi dövlətləri bunun qarşısını almağa cəhd göstərirlər. Amma Azərbaycanı Avropanı enerji asılılığından qurtarmaq istəyir. Azərbaycanın əldə etdiyi nailiyyətlər onun üzv olduğu bir sıra beynəlxalq təşkilatlar qarşısında götürdüyü öhdəliklərin yerinə yetirildiyinin sübutudur. Bu islahatların nəticəsi Azərbaycanı beynəlxalq tribuanalarda qəti mövqe nümayiş etdirməsinə yaşıl işıqdır. Dünya da görür ki, artıq Azərbaycan 10-15 il bundan öncəki Azərbaycan deyil.
http://www.kafkassam-merkez.com/index.php?act=content&id=3346&id_cat=9

BMT-nin Demokratiya Fondu qrant elan edib: iki il üçün 250 min dollar

BMT-nin Demokratiya Fondu (BMT DF) QHT-lər üçün demokratiya, vətəndaş cəmiyyəti, insan haqlarının qorunması, vətəndaş maarifləndirlməsi, vətəndaşların informasiya almaq imkanları, insanların vətəndaş cəmiyyəti quruculuğunda iştirakı, şəffaflığın və aşkarlığın qorunması istiqamətində yeni qrant layihəsi elan edib. 
Fond büdcəsindən ayırdığı vəsait beynəlxalq təşkilatlarla rəqabət aparacaq QHT-lər üçün nəzərdə tutulub.
Maliyyə vəsaitinin həcmi iki il üçün 50-250 min dollar civarında nəzərdə tutulub.
Bu qrant layihəsinə əsasən münqaişə zonasını əhaət edən, yeni demokratik idarəçiliyə yeni qədəm qoymuş, əhalinin gəliri aşağı olan ölkələri təmsil edən QHT-lər qoşula bilər.

ADİİM rəhbəri "Gündəlik Bakı" qəzetinə müsahibə verib

Cavid Şahverdiyev

Bu günlərdə respublikamızın vətəndaş cəmiyyəti institutunun həyatında önəmli hadisə baş verib. Belə ki, Azərbaycan Demokratik İslahatların İnkişafı Mərkəzi Rusiya Xalq Cəbhəsi Hərəkatına və Beynəlmiləlçi Rusiya Bəyannaməsinə üzv qəbul edilib. Bu səbəbdən də qurum Rusiyada gələn il keçiriləcək prezident seçkilərində prezidentliyə namizəd Vladimir Putinin namizədliyini dəstəkləyəcək. Qeyd edək ki, Azərbaycanda Demokratik İslahatların İnkişafı Mərkəzi bir sıra xarici dövlətlərin qeyri-hökumət təşkilatları, xüsusən də Rusiyanın vətəndaş cəmiyyətləri qurumları ilə sıx ünsiyyətdədir. Bu nöqteyi-nəzərdən həmin əməkdaşlıq müəyyən faydalar verə bilər. Təşkilatın sədri Cavid Şahverdiyevlə söhbətimizdə qurumun fəaliyyəti, eləcə də digər məsələlərdən söhbət açdıq:

- Azərbaycanda Demokratik İslahatların İnkişafı Mərkəzi 2002-ci ildə yaradılıb. 2007-ci ildə isə dövlət qeydiyyatına alınıb. Təşkilat respublikamızdakı prezident, parlament seçkiləri ilə bağlı bir sıra sorğular keçirib. Eləcə də Prezident Yanında Qeyri-Hökümət Təşkilatlarına Dövlət Dəstəyi Şurasından iki dəfə qrant alıb layihə həyata keçirib.

- Rusiyanın aparıcı qurumlar şəbəkəsi ilə əlaqələriniz hansı formadadır?

- İlk öncə qeyd edim ki, Azərbaycanda Demokratik İslahatların İnkişafı Mərkəzi Rusiya vətəndaş cəmiyyətləri ilə sıx əlaqədədir. Bu ünsiyyət bir neçə müddət bundan əvvəl yaranıb. Təşkilatımız Müstəqil Dövlətlər Birliyi Dövlətləri İnstitutunun beynəlxalq tədbirlərinə dəvət alıb. Bu günlərdə isə Rusiya Xalq Cəbhəsi Hərəkatına və Beynəlmiləlçi Rusiya Bəyannaməsinə üzv qəbul edilib. Azərbaycanda Demokratik İslahatların İnkişafı Mərkəzi Rusiyada keçiriləcək prezident seçkilərində prezidentliyə namizəd Vladimir Putinin namizədliyini dəstəkləyəcək. Qeyd edim ki, Rusiya Xalq Cəbhəsi Hərəkatının 230 təsisçisindən 53-ü ermənidir. Azərbaycandan isə yalnız Azərbaycan Demokratik İslahatların İnkişafı Mərkəzi və iki partiya bu qurumun üzvüdür. 

- Azərbaycanda Demokratik İslahatların İnkişafı Mərkəzi Rusiyada keçiriləcək prezident seçkiləri ilə bağlı hansı mövqe tutacaq?

- Təşkilatımız gələn il Rusiyada keçiriləcək perzident seçkilərində indiki baş nazir Vladimir Putinin namizədliyini müdafiə edəcək. Biz Rusiyada yaşayan azərbaycanlılar arasında seçkilər günü Putinə səs vermələri istiqamətində təbliğat aparacağıq. Təşkilat Rusiya vətəndaş cəmiyyətləri ilə sıx əməkdaşlıq edir. Putinin namizədliyini dəstəkləmək Rusiya-Azərbaycan münasibətlərinin möhkəmlənməsinə xidmət deməkdir. Biz bu təbliğatı aparmaqla Rusiyada yaşayan yüz minlərlə soydaşımızı ölkənin ictimai-siyasi həyatında fəallığa cəlb edəcəyik. Azərbaycanda Demokratik İslahatların İnkişafı Mərkəzi hazırda Vətəndaş Cəmiyyətinin Quruculuğu, habelə digər QHT-lərlə əlaqəsi var. Bir daha qeyd edim ki, Rusiya Xalq Cəbhəsi Hərəkatı təsisçilərinin sayı 240-dan çoxdur. Onlar arasında ermənilər də üstünlük təşkil edirlər. Amma təəssüf ki, Azərbaycandan olan təsisçilərin sayı hələlik 3-dür.

- Deməli, Azərbaycanda Demokratik İslahatların İnkişafı Mərkəzinin Rusiyanın vətəndaş cəmiyyətləri ilə əlaqələrinin genişləndirilməsi mühüm önəm kəsb edir. Siz bu əməkdaşlıqdan necə istifadə edəcəksiniz?

- Fikir verirsinizsə, qonşu ölkədə yaşayan ermənilər gələn ilin martında keçiriləcək prezident seçkilərində hazırkı baş nazir Vladimir Putinin yenidən Rusiya Federasiyasının prezidenti seçilməsi üçün aparılan təbliğatda necə fəallıq nümayiş etdirirlər. Axı Vladimir Putinin yenidən prezident seçiləcəyi şübhəsizdir. Onlar bu təbliğatla öz məqsədlərinə çatmaq istəyirlər. Azərbaycanda Demokratik İslahatların İnkişafı Mərkəzi prezident seçkiləri öncəsi Rusiyada təbliğat kampaniyasına başlayacaq.

Gələn ilin fevralında Rusiya Xalq Cəbhəsinin qurultayları keçiriləcək. Amma mənə təklif etdilər ki, Moskvaya gəlib Rusiya Xalq Cəbhəsinin rəhbərliyi ilə görüşüm, hələlik bu dəvəti dəyərləndirirəm.

- Bəs seçkilərdə monitorinq qrupunun üzvü kimi iştirak etmək niyyətiniz varmı?

- Bəli, ola bilsin ki, biz də müşahidəçi qismində prezident seçkilərinə qatılaq. İlk öncə qeyd edim ki, yaxın günlərdə - dekabrın 4-də Rusiyada parlament seckiləri keçiriləcək. Gələn ildə isə, yəni martda prezident seckiləridir.

Təəssüf ki, Rusiyanın ictimai həyatında ermənilər bizdən fəaldır. Onlar bütün beynəlxalq tədbirlərə qatılırlar və bu, rusların xoşuna gəlir. Fikirlərimi sübut etmək üçün bir neçə faktı əsas gətirə bilərəm. Bu il mayın 25-də MDB Dövlətləri İnstitutunun 15 illiyi ilə bağlı Moskvada kecirilən beynəlxalq tədbirdə ermənilər də gəlmişdi. Özü də hədiyyələrlə...Tədbirin kecirildiyi "Prezident otel"in qarşısında biz institutun Qafqaz bölməsinin rəhbəri Feliks Stanevski ilə söhbət edərkən düşmən ölkəni təmsil edən nümayəndə heyətinin üzvləri bizə yaxınlaşaraq salam verdilər. Onların bizə yaxınlaşmaqda məqsədləri vardı, təşkilatımızla əlaqə qurmağa səy göstərirdilər, amma gözləmədikləri halda rədd cavabı aldılar. Azərbaycanda Demokratik İslahatların İnkişafı Mərkəzi heç vaxt ərazilərimizin iyirmi faizini işğal altında təcavüzkar ölkənin hər hansı qurumu ilə hər hansı formada əməkdaşlıq etməyəcək.

- Ümumiyyətlə, Azərbaycan QHT-lərinin Rusiyanın vətəndaş cəmiyyətləri ilə əlaqələri, bu ölkənin ictimai həyatındakı iştirakı sizi qane edirmi?

- Təəssüf ki, biz gözləmə mövqeyi tutmuşuq, ermənilərin hər hansı addımı atmalarını gözləyirik. Onlar nə isə edəndə bunun qarşısını almağa çalışırıq. Onda isə gec olur. İstəyirəm ki, Rusiyada yaşayan azərbaycanlılar da fəallıq göstərsinlər. Bu imkanı bizə yaradırlarsa, niyə istifadə etməyək.

Azərbaycan Demokratik İslahatların İnkişafı Mərkəzinin ölkəmizdə demokratik islahatların inkişafına hər zaman yardım göstərməklə yanaşı, xarici əlaqələrə də xüsusi önəm verir. Ermənistan-Rusiya parlamentlərarası komissiyası həmsədrinin müavini olan  Konstantin Zatulinin ermənilərə necə rəğbət  bəsləməsi haqqında eşitmişdim. O, Dağlıq Qarabağ münaqişəsinin həllinə baxışında da ermənilərin mövqeyindən çıxış edir. Hətta Ermənistan-Rusiya parlamentlərarası komissiyası həmsədrinin müavini olan Zatulin eyni zamanda, Azərbaycanın ərazi bütövlüyünə qarşı etdiyi hörmətsizliyə, işğal olunmuş ərazilərimizə qanunsuz səfərlərinə görə, ölkəmiz üçün "arzuolunmaz şəxs"dir. Amma bütün bunlara baxmayaraq, bir müddət əvvəl onun məni öz ölkəsinə dəvəti ilə bağlı xahişini qəbul etmək məcburiyyətində qaldım. Çünki bir il öncə, 2010-cu il mayın 24-25-də Ermənistanda bu institut Cənubi Qafqazdakı problemlərin həllinin müzakirəsini təşkil etmişdi ki, mən də ora dəvətli idim. Amma Ermənistanda keçirildiyi üçün bu dəvəti rədd etmişdim. Biz bütün tədbirlərə qatılıb həqiqəti dünyaya çatdırmalıyıq. Açığı, azərbaycanlıların belə tədbirlərdə iştirakını əngəlləyən heç bir səbəb də yox idi. Axı bütün maliyyə xərcini institut öz üzərinə götürüb.

"Prezident Otel"də yubileyin ilk tədbiri keçirildi. Tədbirdən öncə isə Stanevski bizimlə oteldə söhbətləşdi, daha sonra oteldən çıxıb yaxınlıqda yerləşən kiçik bir kafedə söhbətimizi davam etdirdik. Stanevski öncə bizdən respublikamızdakı ictimai-siyasi vəziyyətlə maraqlandı. Onu da bildirək ki, bu şəxs Rusiyanın tanınmış diplomatlarından biridir və 1996-2000-ci illərdə ölkənin Gürcüstandakı səfiri olub. Stanevskini daha çox dünyada yaranmış maliyyə böhranının Azərbaycana təsirinin olmaması səbəbləri maraqlandırırdı. Onun nəzərinə çatdırdıq ki, bəzi problemlərin yaşanmasına baxmayaraq, bu böhran Azərbaycana heç bir təsir göstərmədi. Biz isə öz növbəmizdə respublikamızda iqtisadiyyatın inkişaf etdiyini, pensiyaların artdığını, lakin bəzi sosial problemlərin hələ də həll olunmamış qaldığını da diplomatın nəzərinə çatdırdıq. Stanevski Gürcüstanda səfir işləyərkən 1999-cu ildə Azərbaycanda olduğunu, bizim milli xörəkləri çox bəyəndiyini dedi. Zatulinin ermənilərlə dostluq münasibətlərinə gəlincə isə, Stanevski onun bu addımını qəbul etmədiyini söylədi: "Mən buna pis baxıram. Bilirsiniz, Zatulin gərək birtərəfli mövqe tutmasın. Amma burada azərbaycanlıların da səhvi var. Bizim tədbirlərimizdə Azərbaycanın Rusiyadakı səfirliyinin əməkdaşları işqtirak edirlər, özü də yüksək səviyyədə. Amma sizin səfir Zatulinlə arasında çox məsafə saxlayır, onu yaxına buraxmır. Ermənilərin bizə marağı zəifdir. Çünki artıq bilirlər ki, Zatulinlə dostdurlar. Zatulini səhv mövqedən çəkindirmək üçün siz ona yaxınlaşmalı, hər şeyi ona bildirməlisiniz. Amma bunu etmədiyinizdən o da ermənilərlə dostluq edir". Bir qədər söhbətdən sonra tədbirin keçirildiyi "Prezident Otel"ə gəldik. Tədbir iştirakçıları bir-birləri ilə ünsiyyət qurub tanış olurdular.

Bizə ilk yaxınlaşanlar ermənilər idi. Erməni - Aza Mihranyan "Görünür, Qafqazdansız" deyib, vizit kartını bizə təqdim etdi. Dedi ki, bu institutun professorudur, amma Qırğızıstanda çalışır. Onunla çox söhbət etmədik, tezliklə bizdən ayrıldı. Daha sonra separatçı Abxaziya və Cənubi Osetiyadan, eləcə də Belarus və Baltikyanı respublikalarından gələn bir neçə qonaqla tanış olduq. Serbiyanın keçmiş prezidenti, qəddar Miloşeviçin qardaşı ilə də görüşdük. Stanevskiyə dedim ki, mənə Dağlıq Qarabağdan gələn qonaq göstərin. O da qonaq axtarışına çıxdı. Tədbirin başlaması onun "axtarış"ını yarımçıq qoydu. Amma Ermənistandan gələn vardı. Boyunlarından asılmış "vizit kart"lardan bunu açıq sezmək mümkün idi. Beləcə Konstantin Zatulinin açılış nitqi ilə tədbir başladı.

- Əməkdaşlıq üçün daha hansı ölkələrdən təklif almısınız?

- Azərbaycanda Demokratik İslahatların İnkişafı Mərkəzi ilə əmakdaşlıq etmək ücün Ermənistandan, Abxaziya və Cənubi Osetiyadan da təkliflər var. Amma bu təklifləri rədd etmişik. Hətta bizə bildiriblər ki, Qafqaz ölkələrinin QHT Alyansını yaradaq mərkəzi də Bakı olsun. Lakin onların bu dəvətini rədd edib təkliflərilə razılaşmadıq.

http://gundelik-baku.com/index.php?newsid=6266

ADİİM Rusiya Xalq Cəbhəsi Hərəkatına üzv qəbul edilib

Azərbaycan Demokratik İslahatların İnkişafı Mərkəzi (ADİİM) Rusiya Xalq Cəbhəsi Hərəkatına və Beynəlmiləlçi Rusiya Bəyannaməsinə üzv qəbul edilib.

 ADİİM sədri Cavid Şahverdiyevin verdiyi məlumata görə, mərkəz gələn il Rusiyada keçiriləcək perzident seçkilərində indiki baş nazir Vladimir Putinin namizədliyini müdafiə edəcək: «Biz Rusiyada yaşayan azərbaycanlılar arasında seçkilər günü Putinə səs vermələri istiqamətində təbliğat aparacağıq».

C.Şahverdiyev onu da qeyd edib ki, ADİİM Rusiya vətəndaş cəmiyyətləri ilə sıx əməkdaşlıq edir. ADİİM sədri onu da deyib ki, Putinin namizədliyini dəstəkləmək Rusiya-Azərbaycan münasibətlərinin möhkəmlənməsinə xidmət deməkdir: «Biz bu təbliğatı aparmaqla Rusiyada yaşayan yüz minlərlə soydaşımızı ölkənin ictimai-siyasi həyatında fəallığa cəlb edəcəyik. Rusiya Xalq Cəbhəsi Hərəkatı təsisçilərinin sayı 240-dır. Onların 53-nü ermənilər təşkil edir. Amma Azərbaycandan isə bu say 3-dür. Fikir verirsinizmi, ermənilər Putinin prezident seçilməsi təbliğatında necə fəallıq nümayiş etdirirlər. Axı Putinin yenidən prezident seçiləcəyi şübhəsizdir. Onlar bu təbliğatla öz məqsədlərinə çatmaq istəyirlər». ADİİM sədri seçkilər öncəsi Rusiyada təbliğat kampaniyasına başlayacaqlarını bildirib.

ADİİM mətbuat xidməti

Şura sədri növbəti dəfə milli QHT layihələrinin qarşılanması üçün maliyyənin artırılmasını təklif etdi

Azərbaycan Respublikasının Prezidenti yanında QHT-lərə Dövlət Dəsətyi Şurasının sədri, millət vəkili Azay Quliyev noyabrın 22-də Milli Məclisdəki çıxışı zamanı QHT-lərlə bağlı məsələyə toxunub. Bu barədə məlumatı azayguliyev.az saytı yayıb.
Saytın verdiyi məlumata görə, Şura sədri deyib: “Mən QHT Şurasını təmsil etdiyimdən bu məsələyə toxunmaq istəmirdim. Zaman-zaman Milli Məclisdə məsələ qaldırılır ki, QHT-lərin xarici donorlardan asılılığını azaltmaq lazımdır. Mən də burdan çıxış edərək məsələyə toxunmaq istərdim ki, QHT-lərin xarici donorlardan asılılığını azlatmaq üçün onlara ayrılan büdcəni artırmaq lazımdır”. Azay Quliyev qeyd edib ki, bu il QHT-lərin büdcəsi 30 milyon olub ki,  bunun da 7 faizi, yəni 2.1 milyon manatı QHT Şurasının payına düşüb. “Bu hələ statistik məlumatdır. Çünki ola bilsin ki, hansısa büdcə gizlədilib. Qeyd etmək istəyirəm ki, bu kiçik rəqəmdir. Maliyyə nazirinin burada olmasından istifadə edərək müraciət edirəm ki, bu məsələyə diqqət yetirsinlər və QHT Şurasına ayrılan vəsait heç olmasa il ərzində ümumi QHT-lərin büdcəsinin 15 faizini təşkil etsin. Çünki QHT Şurasının dəstəklədiyi layihələr ciddi və dövlətimizə dəstək verən məsələlərdir”.
http://www.qhtxeber.az/news/a-12780.html